www.regaleletfaa.yoo7.com


منتدى رجال الاطفاء
 
الرئيسيةالبوابةبحـثالتسجيلدخول
لانظمة الانذار والاطفاء الالى والانظمة الامنية توريد - تركيب - صيانة

شاطر | 
 

 قصيدة عشان انت مصرى .. احمد فؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
El MaGiC
عضو جديد
عضو جديد


عدد المساهمات : 22
تاريخ التسجيل : 23/08/2009

مُساهمةموضوع: قصيدة عشان انت مصرى .. احمد فؤاد نجم   الخميس أغسطس 27, 2009 6:41 pm

قصيدة عشان انت مصرى .. احمد فؤاد نجم



عشان انت مصرى لازم تعانى



وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تآسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
الرجوع الى أعلى الصفحة اذهب الى الأسفل
http://www.yourstyle.own0.com
عادل سرحان
عضو جديد
عضو جديد


عدد المساهمات : 7
تاريخ التسجيل : 23/08/2009

مُساهمةموضوع: رد: قصيدة عشان انت مصرى .. احمد فؤاد نجم   الإثنين أغسطس 31, 2009 12:02 pm

مشكور يا استاذ احمد على الموضوع الرائع دا
وتقدر تقول
لو سالتك انت مصرى تقولى ايه.....
الرجوع الى أعلى الصفحة اذهب الى الأسفل
محمد البرتاوي
عضو جديد
عضو جديد


عدد المساهمات : 29
تاريخ التسجيل : 04/07/2010

مُساهمةموضوع: رد علشان إنت مصري   السبت يوليو 17, 2010 10:54 am

أقول إرفع راسك وأنت مصري ده الفرعنة هم مصري ويوسف عليه السلام عاش في مصر في وقت كان الجوع والقحط وكان من مصر موسى عليه السلام .
والرد على قصيدة علشان إنت مصري قول عمر بن الخطاب رضي الله عنه :<< قاتل الله الفقر لو كان الفقر رجلاً لقتلته >.eوبالمصري ده الصبر طيب يا كدعان
الرجوع الى أعلى الصفحة اذهب الى الأسفل
 
قصيدة عشان انت مصرى .. احمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.regaleletfaa.yoo7.com :: المنتدى الادبى :: قسم الشعر والنثر-
انتقل الى: